INNUTTAASUNUT PAASISSUTISSIINEQ • BORGERINFORMATION Kommune Kujalleq Kommune Kujalleq Kommune Kujallermut tikilluarit Kommune Kujallermut, kulturikkut oqaluttuarisaanikkullu immikkuullarilluinnartuunini pillugu 2017-mi UNESCO-p kingornussassanut allattorsimaffianiilertumut nuannaarluta tanngassimaarlutalu tikilluaqquatsigit. Kommune Kujallermi inuk qitiuvoq. Pisuussutivut pingaarnerpaat tassaapput innuttagut, taamaammat pitsaasumik kiffartuunneqarnissaat pingaartitaraarput. Ilinniartitaaneq maani pingaartilluinnarparput. Inuusuttut ilinniarluarsimasut siunissaraagut, taamaammallu ilaqutariit meerartallit pitsaasumik atugaqartinneqarnissaat pingaartilluinnagaraarput, toqqissisimasumik peroriartorneq inuusuttunngornermi periarfissarissaartitsisarpoq. Aammattaarli utoqqartatta ajunnginnerpaamik atugaqartitaallutik utoqqalisinnaanissaat qulakkeersimassallugu pingaartilluinnagaraarput. Taamatuttaaq siumukarnermi inuussutissarsiutit ingerlalluartut pisariaqartippagut taamaammallu inuussutissarsiortunik pitsaasumik suleqateqarnissaq kommunimit pingaartinneqarluinnarpoq. Pisortat suliffeqarfiutaat ukiorpassuarni nunatsinni sunniuteqarsimaqimmata tamatumani namminersortut ukiuni makkunani peqataaleriartuinnarnissaat ineriartornerup ilassaraa, suliassarlu taanna nangittumik soorunami ingerlateqqissavarput. Aalisarneq inuussutissarsiutaavoq pingaarutilik, nunalerinerlu ukiorpassuarni Kujataani sunniuteqarluarsimavoq. Ukiuni aggersuni inuussutissarsiutit marluiit taakku ineriartortissavagut inuussutissanillu imminut pilersornerulernissatsinnik ilungersuussinerput nangeqqissallugu. Taamatullu sulisussat piginnaanngorsarneqarnissaat, taamaalillutillu sulisitsisut pisariaqartitaannut naapertuuttunik piginnaasaqalernissaat qulakkeerniarlugu nangittumik pitsaasumik sinaakkusersuissaagut. Siunnerfilimmik innuttaasut amerliartorteqqilerniarlugit sulissuteqarpugut, tassungalu atatillugu innuttaasut sulisinnaasut piginnaanngorsarnissaminnut periarfissarissaartinneqarnissaat qulakkeerniarparput, inuiaqatigiittut ineriartornitsinni peqataalluarnissaat qulakkeersimaniarlugu. Ukiuni aggersuni inuussutissarsiutit pingaaruteqartut ilagaat aatsitassarsiorneq, tamanna aamma pissutigalugu suliassaqarfiit aatsitassarsiornermut tunngassuteqartut pingaarnersiuinermi siuarsarpagut. Taamaaliornikkut kujataani suliffeqarfiit peqataanerat annertunerpaaqqullugu aammalu sulisussat pikkorissut annerpaamik peqataanissaat qularnaarnissaa siunertaralugu. Takornariartortitsinerup ineriartortinneqarnissaa aamma aallutaraarput. Pinngortitaq najugarput pinnersorsuuvoq, misigisassanik assigiinngisitaartunik peqarluarpoq aammalu kulturikkut kingornussatigut oqaluttuarisaanermillu immikkuullarissumik aallaaveqarluni, taakkorpiaallu pissutaallutik UNESCO´p kingornussassanut allattorsimaffianiilernikuuvugut. Kikkut tamarmik maani tikilluaqqusaapput. Piffinni tamani suleqatigiinneq aqqutigalugu Nunatta kujataa inerisaqqissavarput! Velkommen til Kommune Kujalleq Det er med glæde og stolthed vi kan byde dig velkommen her til Kommune Kujalleq, der i 2017, på grund af sin unikke kulturhistorie, blev optaget på UNESCO´s verdensarvliste. Borgeren er i centrum i Kommune Kujalleq. Vores allervigtigste ressource er indbyggerne, og derfor prioriterer vi højt at der er en god borgerservice. Uddannelse er højt prioriteret her. En veluddannet ungdom er forudsætningen for vores fremtid, derfor er det meget vigtigt for os at give børnefamilierne de bedste rammer, en god opvækst er nemlig lig med gode muligheder. Men det er samtidigt lige så vigtigt at sikre vore ældste de bedste vilkår. Ligeledes er det en forudsætning for fremdrift, at vi har et dynamisk erhvervsliv og derfor prioriterer kommunen et godt og konstruktivt samarbejde med erhvervslivet. Vores land har i mange år været præget af offentlige arbejdspladser, så det er en naturlig udvikling at vi i disse år giver større og større plads til private aktører, dette arbejde vil vi naturligvis fortsætte med. Fiskeriet er et vigtigt erhverv og landbruget har igennem mange år haft stor betydning for Sydgrønland. I de kommende år vil vi udvikle begge disse erhvervsområder og fortsætte det målbevidste arbejde for at øge selvforsyningen af fødevarer. Det er derfor vigtigt for os sikre de bedste rammer for at arbejdskraften matcher arbejdsgivernes forventninger. Vi arbejder derfor målrettet med at tiltrække nye borgere samt at give arbejdsstyrken de rette kompetencer, således at vi selv i større omfang end tidligere kan deltage i udbygningen af vores samfund. Et vigtigt erhverv i de kommende år er mineralindustrien, hvor vi har gode forudsætninger for at skabe vækst, og af samme grund har vi opprioriteret råstofområdet, for at sikre størst mulig deltagelse af vore egne virksomheder og regionens kompetente medarbejdere. Vi satser ligeledes på en udbygning af turismen. Vi lever i et område der er naturskønt, med mangfoldige oplevelsesmuligheder samt en unik kulturhistorie, de har til sammen bragt os på UNESCO´s verdensarvliste. Alle er velkomne her. Igennem samarbejde i alle beboede steder skal vi udvikle Sydgrønland! www.kujalleq.gl 6 Borgmester Kiista P. Isaksen (S)